संविधान लेखन प्रक्रियाबाट कोही पछि नहटौं : प्रचण्ड
August 26, 2015 | 11:04 am
काठमाडौँ, भदौ ९ । एकीकृत माओवादीका अध्यक्ष पुष्पकमल दाहाल प्रचण्डले संविधान लेखन प्रक्रियाबाट सभाबाट संविधान जारी गर्ने बेला कोही पनि पछि नहट्न आग्रह गरेका छन् ।
बुधवारबाट शुरु भएको संविधानको परिमार्जित विधेयक २०७२, माथिको छलफलमा सहभागी हुँदै प्रचण्डले भने, ‘संविधान लेखनको यो महत्वपूर्ण, संवेदनशील र अन्तिम घडी हो । संविधानसभाबाट संविधान निर्माण गर्नुपर्छ भन्नेका लागि खुसी र गौरवको कुरा हो ।”
“संविधानसभाको बनोटबमोजिम हालको मस्यौदा तयार हुनुलाई ठूलो उपलब्धिका रुपमा मान्न सकिए पनि समावेशी र समानुपातिक प्रतिनिधित्वसहित आदिवासी, जनजाति लगायत पछि परेका समुदायको हकअधिकार सुनिश्चित गर्ने सम्बन्धमा भने केही धर्मराएको अध्यक्ष दाहालले टिप्पणी गरेका थिए ।
