संयम बनौं : अध्यक्ष ओली
August 26, 2015 | 10:52 am
काठमाडौँ, भदौ ९ । नेकपा एमालेका अध्यक्ष केपी शर्मा ओलीले संविधान लेखनलाई पूर्णता दिन अत्यन्तै संयमित र धैर्यताका साथ लाग्न सम्बद्ध सबैसँग आग्रह गरेका छन् ।
बुधवार संविधानको परिमार्जित विधेयक २०७२, माथिको छलफलमा भाग लिँदै अध्यक्ष ओलीले भने, “हामी लोकतान्त्रिक संविधान लेखनको हिसाबले हामी अत्यन्तै ऐतिहासिक र गम्भीर मोडमा आइपुगेका छौं । आफना जनप्रतिनिधिबाट संविधान बनाएर घोषणा गर्ने जनताको लामो चाहनाको अत्यन्त नजिक पुगेको छौँ ।’’
“संविधान निर्माणको जिम्मेवारीलाई सबै एकताबद्ध भएर पूरा गरौँ, हामी नेपाली दाजुभाइ एक अर्कोको शत्रु होइनौँ भनेर सामाजिक सदभाव कायम राख्ने काम गरौं । छलफल गरेर अघि बढ्न सक्छौँ ”, ओलीको आग्रह थियो ।
