संविधान लेखन पूरा गरौं : प्रधानमन्त्री कोइराला
August 26, 2015 | 10:43 am
काठमाडौँ, भदौ ९ । प्रधानमन्त्री सुशील कोइरालाले विरोध प्रदर्शन छोडेर संविधान लेखनलाई पूरा गर्न आग्रह गरेका छन् ।
नयाँ बानेश्वरमा बुधवार विहानदेखि शुरु भएको संविधानको परिमार्जित विधेयक २०७२, माथिको छलफलमा भाग लिँदै प्रधानमन्त्री कोइरालाले नयाँ संविधानको मस्यौदा राजनीतिक दलहरुबीचको साझा दस्तावेज भएकाले संविधान लेखनलाई सार्थक तुल्याउन सभासद्सँग आग्रह गरेका हुन् ।
‘मस्यौदामा केही कमी कमजोरी भए परिमार्जन गर्न सकिन्छ । मेरा सबै कुरा समेटिएन भनेर नआत्तिनुस्’, उनले भने, “सबै पार्टीले परिमार्जन गर्न मिल्छ भनिरहेका छन् । अब जनतालाई छिटो संविधान दिनुपर्छ ।’
