उत्तरी फिलिपिन्समा आँधीबाट २६ को मृत्यु

मनिला,  भदौ ७ । उत्तरी फिलिपिन्समा आएको शक्तिशाली सामुद्रिक आँधी गोनीका कारण २६ व्यक्तिको मृत्यु भएको समाचार छ । 

उत्तरी फिलिपिन्सको पहाडी इलाकामा पर्ने दुर्गम गाउँ मन्कायानमा उद्धारकर्ताहरुले पहिरोमा पुरिएका १३ जना कामदारको शव निकालेपछि सो सङ्ख्या २६ पुगेको हो ।
गोनी नामक यस आँधीबाट प्रभावित इलाकाबाट हजारौँ व्यक्ति भागेका बताइएको छ । सो पहिरोमा अझै कति कामदार बेपत्ता भएका छन भन्नेबारेमा भने आधिकारीक रुपबाट पुष्टि भएको छैन ।
गोनीका कारण उत्तरी फिलिपिन्सको ठूलो भाग एक हप्तादेखि प्रभावित भएको छ । यसबाट हजारौँ घर ध्वस्त भएको र १२ हजार व्यक्ति विस्थापित भएका छन् ।
मन्कायान खानीमा बेपत्ता भएका व्यक्तिहरुको आधिकारिक पुष्टि नगरिएको भए तापनि चार बेपत्ता भएको अनुमान गरिएको छ ।
फिलिपिन्समा हरेक वर्ष करिब २० वटा आँधी आउने गरेको छ । यस आँधीले जापानको क्युसु द्विपलाई प्रत्यक्ष प्रभाव पारेको जापान मौसम विज्ञान विभागले बताएको छ । रासस-एएफपी

सम्बन्धित समाचार

Comments are closed

भर्खरै view all

संघीयता लागूपछि खारेजीमा परे दर्जन कार्यालय, करोडौंका संरचना बेवारिसे

गण्डकीको नयाँ मन्त्रिमण्डल : असमावेशी, असन्तुलित !

पर्वतमा ४ हजारभन्दा बढी निजी आवास पुनर्निर्माण

बधाई दिँदै विपक्षीले देउवामाथि कटाक्ष गरेपछि…

फेरि निषेधाज्ञा होला त ?