दमासकस नजिकै हवाई आक्रमण ३४ को मृत्यु

बेरुत, ६ भदौ । सिरियाको राजधानीको बाहिरी इलाकामा पर्ने विद्रोहीको बलियो प्रभाव रहेको क्षेत्रमा सिरियाली सैनिकद्वारा गरिएको भीषण बमबारीमा ३४ सर्वसाधारणको मृत्यु भएको समाचार छ । 

बाह्र जना बालबालिकासहित ३४ जनाको मृत्यु भएको मानवअधिकारवादी समूहले आइतबार जनाएको छ । डोउमामा भएको यस आक्रमणमा १२ बालबालिका र ८ महिलासहित ३४ सर्वसाधारण मारिएका सिरियन अब्जरभेटी फर ह्युम्यान राइट्सका निर्देशक रामी अब्देल रहमानले आइतबार बताउनुभएको छ ।
सिरियाली राष्ट्रपति बसार अल असादका समर्थक सैनिकहरूले विद्रोहीको बलियो प्रभाव रहेका डोउमा शनिबार गोलाबारी र हवाई आक्रमण भएको बताइएको छ । शनिबार अबेर राति अब्जरभेटरीले यस आक्रमणहरूमा २० व्यक्तिको मृत्यु भएको जानकारी दिएको थियो । तर यस आक्रमणमा परी घाइते भएका व्यक्तिहरूको रातभरीमा मृत्यु भएपछि सो सङ्ख्या बढेर ३४ पुगको अब्जरभेटरीले आइतबार जानकारी दिएको छ ।
यस हवाई आक्रमणमा परी केही परिवारका सम्पूर्ण सदस्य घरभित्र नै मारिएका पनि निर्देशक रामीले बताउनुभएको छ ।

सम्बन्धित समाचार

Comments are closed

भर्खरै view all

निर्वाचन परिणाम धमाधम-एमाले अघिअघि कांग्रेस पछिपछि

कुश्मा नगरपालिका मतगणना अपडेट

२५ वडाको मतपरिणाम सार्वजनिक, १८ वडाअध्यक्ष एमालेका, ७ वडाअध्यक्ष कांग्रेसका विजयी

२८ बर्षिय निर्भिक एमालेबाट पैयु ५ को बडाअध्यक्ष बने

म्याग्दीको मालिकाको अध्यक्षमा एमालेका बेगप्रसाद गर्बुजा विजयी