वार्तामा आऊ : चार दल
August 23, 2015 | 6:26 pm
काठमाडौं भदौ ६ – प्रमुख चार दलले संघीयताको सिमाङ्कनबाट असन्तुष्ट सबै पक्षलाई वार्ताका माध्यमबाट समाधान खोज्न आग्रह गरेका छन् ।
आइतवार विहान बालुवाटारमा बसेको चार दलको बैठकले प्रस्तावित संघीयताको सिमाङ्कनमा सन्तुष्ट नभएकाहरुलाई वार्ताबाटै समाधान खोज्न आवहान गरेका हुन् ।
शुरुमा सरकारकातर्फबाट प्रधानमन्त्री सुशील कोइरालाले सार्वजनिक आवहान गर्ने सहमति भएको बैठकपछि एकीकृत माओवादीका उपाध्यक्ष नारायणकाजी श्रेष्ठले जानकारी दिए । बैठकमा फोरम लोकतान्त्रिकका अध्यक्ष विजय गच्छेदारले सिमाङ्कनबाट मधेशी र थरुहटका जनताको मागलाई सम्बोधन नगरेको गुनासो गरेका थिए । उनले आठ प्रदेश बनाइए सबै असन्तुष्ट पक्षको माग सम्बोधन हुने दाबी गरेका थिए ।
