जनक र साझाले पाठ्यपुस्तक छाप्न सुरु

काठमाडौँ, ५ भदौ । पाठ्यपुस्तक उत्पादन र वितरण गर्ने जिम्मा पाएपछि जनक शिक्षा सामग्री केन्द्र लिमिटेड र साझा प्रकाशनले आगामी शैक्षिकसत्रका लागि पाठ्यपुस्तक छाप्न सुरु गरेका छन् ।

साझा प्रकाशनका महाप्रबन्धक डोलेन्द्रप्रसाद शर्माका अनुसार कक्षा १ देखि १० सम्मकै पाठ्यपुस्तक छाप्ने र वितरण गर्ने जिम्मा पुनः पाएपछि शुक्रबारदेखि नै छपाइको काम सुरु भएको हो ।

विसं २०६४ देखि निजी क्षेत्रलाई कक्षा १ देखि ५ सम्मका पाठ्यपुस्तकको उत्पादन र वितरण गर्ने जिम्मा दिइएको थियो । पहिलो चरणअन्तर्गत दसैँभन्दा अगाडि नै प्रतिकक्षा एक लाख थान पुस्तक छपाइ गरिसक्ने योजना रहेको उनले जानकारी दिए ।

तत्कालीन मुख्यसचिव लीलामणि पौडेलले गत साउन १२ गते जनक र साझालाई क्षेत्राधिकार फर्काउने सम्बन्धमा शिक्षा मन्त्रालयलाई सिफारिस गरेका थिए । सोहीअनुसार गत साउन ३२ गते विद्यालय तहका पाठ्यपुस्तकको उत्पादन र बिक्री वितरणमा निजी क्षेत्रको अधिकार कटौती गरी पुनः सरकारी स्वामित्वका दुई निकायलाई जिम्मेवारी दिइएको थियो ।

सम्बन्धित समाचार

Comments are closed

भर्खरै view all

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज

जस्तोसुकै रोगको उपचार नेपालमै गर्ने व्यवस्था गर्छु : मन्त्री गिरी