कविता विनासकारी भूकम्प‐२०७२

‐ चित्रप्रसाद खनाल ‘सुबोध’

प्राकृतिक नियमका विपरित गै विकासका कामले !
हासिल गर्न मानवले विजयको विज्ञानका नामले !!
आश्रय यन्त्रको लि धरणीमा चमत्कार ठूलो ग-यो !
सन्तुलन नभमा खलल हुने गरी अवयव सब ह-यो !!

ईश्या मानवप्रति प्रकट भयो, भूकम्प देशमा गयो !
काँप्यो थरथरी मेरुदण्ड भूमिको नरसंहार ठूलो भयो !!
आँसु रगत बगेर यहाँ बागमति र बिष्णुमति !
पुरातात्विक कान्तिपुरी नगरीमा क्षति कति हो कति !!

मानिसमा मनमा छ त्रास अनन्त संकट परेका घडि !
आफन्तैसँगको विछोड विरहमा आँसु झरे धरधरी !!
मृत्युले ताण्डव गरिरहँदा काँप्दै काठमाडौं पनि !
देखे कालग्रास नजिकै सकलले साह्ै निरिह बनि !!

सीमा सामथ्र्य मानवको छ कति क्रोधित प्रकृति हुँदा !
मापन गर्नु कसो गरी यहाँ विज्ञान प्रविधि छँदा !!
पश्चाताप होला मानव मनमा पीडा अनेकौं थरी !
शोक, चिन्ता, भय, त्रासका बीचमा बाँच्नु कसो के गरी !!

राजधानी देशको सबै किसिमको वस्ती बसोवासले !
मानव जीवनलाई सफल गरी बाँच्ने ठूलो आशले !!
काम धन्दा आआफ्नै किसिमका सपना सबैका यहाँ !
बोकी सुन्दर स्वप्नभित्र सजिने संकल्प काठमाडौं महाँ !!

मानिसको मनमा सन्त्रास छ अमिट पीडा र घाउ पनि !
जीवन बाँच्न कष्टकर भयो ठूलो विनासले अनि !!
डरले काँप्दछन् जिवित जति छन् हुने के के हो भनि !
आलो घाउ मानसपटलमा त्यो मृत्यु दृश्य अनि !!

एक्कासी भूकम्पबाट पीडित भइ मर्ने र बाँच्नेहरु !
मन मस्तिष्क र चेतना गुमे सरी स्तब्ध जाँच्नेहरु !!
मानिसकै बिचमा मानिसले निर्माण गरेका भवन !
सुन्दर इतिहासको झलक दिने मानव मोहका सघन !!

राजधानी देशको सगौरव आभा प्रख्यात धरहरा पनि !
ग¥यामगु¥लुम भै ढल्यो भूकम्पले कालाग्नी जस्तो बनि !!
सातो सबको लियो भयावह भइ ढल्दा ठूला घरहरु !
निर्विकल्प मृत्यु ताण्डपका बिचमा बाँचुन कसोरी अरु !!

देख्ने सुन्नेहरुको मानस पटलमा सन्त्रास ताजै छ झन !
काठमाडौं नगरी भग्नावेश भइ विपत्ति ठूलो सघन !!
चोकगल्लीहरु अवरुद्ध छन् बीच खल्टा र खुल्टी चिरा !
घरका सरसमानहरु अलपत्र वरपर छर्केर कहाँ निर !!

देख्ने सुन्नेहरुको मनमा अझ छ डर कहिले के होला भनि !
काँप्दै थरथरी नरनारी एकजुट भइ खुल्ला चउरमा अनि !!
बस्नै बाध्य छन् झरी बीचमहा दुःखकष्ट साह्ै सही !
मनमा तरङ्ग अनेक किसिमका बाँच्यौैं कसरी हइ !!

मृत्यु सन्निकटबाट उछिट्टिकन बाँच्नेहरुको मन !
भयग्रष्त भइ झसङ्ग कम्पन हुने संन्त्रासमै छ तन !!
भोक निन्द्रा छैन् शरीरमा डर नै ठूलो कारण !
साक्षात् काल स्वरुप भूकम्प आयो यहाँ मारण !!

सेवा भाव लिई अघि सरि सद्भाव सबैमा छरी !
लागून उद्धार गर्न सकलको संकल्प मनमा गरी !!
राष्ट्रै शोक मग्न छ अहिले नेपाल र नेपालीको !
साक्षात मृत्यु सबतिर भूकम्प यस पालिको !!

राजधानी नेपालको विपत्तिमा अहिले परेको त्यहाँ !
देशकै मेरुदण्ड सार सबको विनाश भयानक यहाँ !!
विश्व स्तब्ध छ मानविय मन पनि छिया छिया झै भयो !
प्रकृति विनास मै छ अडिग भूकम्पन ठूलै गयो !!

ब्यक्ति, संस्था र सरकारको पहलमा राहत संकलन भई !
निस्वार्थ रुपमा पुगोस् सकलमा क्षति आकलंन गई !!
भेदभाव नहोस् कहि कतै पीडितको मन चित्त दुख्ने गरी !
सेवा भावमहा ऋषिमन लिई गरुन् बनेर आमा सरी !!
ठेगाना ः नेउलापुर ‐७, बर्दिया
फोन नं. ः ९८४४८२२९०९
(२०७२ साल बैशाख १५ गते लेखिएको)

सम्बन्धित समाचार

Comments are closed

भर्खरै view all

पर्वतका कुल आचार्यद्वारा गृह जिल्लावाटै एनआरएनएको अध्यक्ष पदमा उमेदवारी घोषणा

दोहोरी गीत प्रतिष्ठान पर्वतको सम्मान तथा साधारण सभा सम्पन्न

म्याग्दीका गाउँगाउँमा ‘सेतो पुतली झुस’: आँखाको ज्योति गुमाउँदै स्थानीय, कसरी हुन्छ सङ्क्रमण ?

अनेरास्ववियू क्रान्तिकारी पर्वतको अध्यक्षमा साजन परियार

मेक्सिको जान लागेका १८ नेपाली जर्मनीको विमानस्थलमा समातिए