बङ्गलादेशमा विपक्षीको आन्दोलन चर्कियो

बुधबार आन्दोलनकारीले चारजनालाई जिउँदै जलाए

ढाका, ३० पुस । बङ्गलादेशमा सरकारविरुद्धको आन्दोलन झनै चर्र्र्किएको  छ । आन्दोलनका क्रममा बुधबारमात्र चारजनाको ज्यान गएको बताइएको छ ।
सरकारका विरुद्धमा त्यहाँ नौ दिनदेखि आन्दोलन जारी रहेको छ । सो आन्दोलनका क्रममा बुधबारसम्ममा १७ जनाको ज्यान गइसकेको बताइएको छ ।


 बङ्गलादेशका प्रमुखसहितका विपक्षी दलहरुले गत वर्षको आमनिर्वाचन एकपक्षीय र धाँधलीपूर्ण भएको भन्दै सो निर्वाचनको वर्षदिन पुगेको दिन गत हप्तादेखि सरकार विरोधी आन्दोलन सुरु गरेका हुन् ।
सो आन्दोलनले पछिल्लो समयमा हिंसाको रुप लिइरहेको बताइएको छ । सरकारले राजधानी ढाकामा विरोध प्रदर्शन एवम् जुलुस निकाल्न पनि प्रतिबन्ध लगाएको छ ।
तर पनि राजधानीमा नै विभिन्न समयमा यस्ता हिंसाका रुप देखिएका छन् । जसका कारण त्यहाँ नागरिकको जनजीवन पनि प्रभावित भइरहेको छ ।
प्राप्त पछिल्लो समाचारअनुसार बङ्गलादेशको एक उत्तरी जिल्ला रङ्गपुरमा बुधबार बिहानै चारजनालाई जिउँदै जलाएर मारिएको छ ।
सो जिल्लामा सरकारका विरुद्धमा चर्किएको हिंसाका क्रममा ती चारजना व्यक्ति जलाइएका बताइएको छ । यसरी मारिनेमा एकजना बच्चा पनि परेको बताइएको छ ।
बङ्गलादेशको उत्तरी सहर मिठक्पकरका एकजना प्रहरी अधिकारीले बुधबार बिहानै सुुरु भएको आमहडतालका क्रममा आन्दोलनकारीले गुडिरहेको बसमा आगो लगाई हत्या गरेका बताएका छन् ।
सो क्षेत्रबाट राजधानी ढाकाका लागि हिँडेको बसमा आमहडताल सफल बनाउने नाममा हिँडेका विपक्षी दलका कार्यकर्ताले आगो लगाइदिएको प्रहरीले जनाएको छ ।
उक्त हिंसात्मक हमलापछि सो बसमा रहेका चारजनाको जलेर मृत्यु भएको छ भने अरु ११ जना नराम्ररी घाइते भएका छन् । घाइतेको रङ्गपुर मेडिकल कलेजमा उपचार भइरहेको छ ।
सोही जिल्लामा मङ्गलबार पनि हिंसामा परी दुईजना मारिएका थिए । बुधबार पनि बिहानैदेखि आन्दोलन सुरु भएको बताइएको छ । विभिन्न स्थानमा प्रहरीसँग भिडन्त जारी रहेको बताइएको छ ।
गत वर्षको आमनिर्वाचनमा सबैजसो विपक्षी दलको सहभागिता नरहेकाले वर्तमान सरकार नै जनताद्वारा निर्वाचित सरकार नभएको भन्दै विपक्षी दलले अर्काे निर्वाचनको माग गरिरहेका छन् ।
पूर्व प्रधानमन्त्री बेगम खालिदा जियाको पार्टी बङ्गलादेश नेसनल पार्टी (बिएनपी) र अर्काे विपक्षी दल जमात ए इस्लामीले सो आन्दोलनको नेतृत्व गरिरहेका छन् ।
यी दुई दलले गत वर्षको आम निर्वाचन बहिस्कार गरेका थिए । त्यसैले वर्तमान सरकार जनताद्वारा निर्वाचित सरकार नभएको भन्दै अर्काे निर्वाचनको माग उनीहरुले गरेका हुन् ।

सम्बन्धित समाचार

बम विस्फोटमा छ विद्यार्थी घाइते

अफगानिस्तान, २८ मङ्सिर । अफगानिस्तानको राजधानी काबुलबाट ११५ किलोमिटर पूर्वमा अवस्थित नानर्गाहार प्रान्तको प्रान्तीय राजधानी जलालाबाद सहरमा भएको एक बम…

पहिरो परी बीसको मृत्यु असी भन्दा बढी बेपत्ता

इन्डोनेसिय, २८ मंसिर । इन्डोनेसियाको जाभा द्वीपको मध्य भागमा पर्ने बाङ्जानेगारा जिल्लामा गत शुक्रबार गएको पहिरोमा परी मर्ने व्यक्तिको सङ्ख्या…

आत्मघाती आक्रमणको संयुक्त राष्ट्रद्धारा गहिरो चिन्ता

संयु्क्त राष्ट्रसंघ, २६ मंसिर । अफगानिस्तानको राजधानी काबुलमा बिहीबार भएको दुई वटा आत्मघाती बम आक्रमणको संयुक्त राष्ट्रसंघद्वारा गहिरो चिन्ता व्यक्त…

डुङ्गा दुर्घटनामा तीनको मृत्यु

चीन, २५ मंसिर । पूर्वी चीनको एक समुद्रमा बिहीबार दुईवटा कार्गो डुङ्गा एकापसमा ठोक्किँदा भएको दुर्घटनामा कम्तीमा तीन व्यक्तिको मृत्यु…

Comments are closed

भर्खरै view all

उम्मेदवारको प्रारम्भिक नामावली सार्वजनिक, यी हुन् ‘बागी उम्मेदवार’(सूचीसहित)

एमालेको निर्वाचन कार्यतालिका सार्वजनिक, सहमति नभएको पदमा भोलि मतदान हुने (तालिकासहित)

प्रदेश १, बागमती र गण्डकीमा हल्का वर्षा र हिमपातको सम्भावना

सर्वसम्मत नेतृत्व चयनको बाटोमा एमाले-दुई उपाध्यक्ष र दुई उपमहासचिव थप

यसरी हुँदैछ एमालेको १०औं महाधिवेशन