काबुलमा आत्मघाती आक्रमण छको मृत्यु

काबुल २५ मंसिर । अफगानिस्तानको राजधानी काबुलको उपनगरमा बिहीबार बिहान भएको एक आत्मघाती बम आक्रमणमा कम्तीमा छ अफगान सैनिकको मृत्यु भएको छ ।

काबुलको बाहिरी इलाकामा पर्ने ताङ्गी तराखील क्षेत्रमा अफगान सैनिकलाई लिएर गइरहेको एक बसलाई लक्ष्यगरी आत्मघाती आक्रमणकारीले आक्रमण गरेको अपराध शाखा एकाइका प्रमुख जनरल फारिद आफ्जाइलले बताए ।

तालिवान आतङ्ककारी समूहका प्रवक्ता जाबिहुल्लाह मुजाहिदले यस आक्रमणको जिम्मा तालिवान समूहले लिएको सञ्चारमाध्यमलाई जानकारी दिएका छन् ।

स्थानीय समयअनुसार बिहीबार करिब ७ः१५ मा ताङ्गी तराखील क्षेत्रमा पैदल नै आइरहेका एक आत्मघाती आक्रमणकारीले अफगान सेनाको बसलाई लक्ष्यगरी आक्रमण गरेको आफ्जाइलले बताए ।

यस आक्रमणबाट छ सैनिकको मृत्यु हुनुका साथै अन्य १० जना घाइते भएका उनले बताए । अफगान गृह मन्त्रालयले पनि यस आक्रमण र मृतकको सङ्ख्या पुष्टि गरेको छ । तर गृह मन्त्रालयका अनुसार भने सो आक्रमणमा ११ जना घाइते भएका छन् ।

आगामी डिसेम्बर ३१ बाट नेटो सैनिकले आफ्नो लडाकूको भूमिकालाई परिवर्तन गरी सहयोगको भूमिका निभाउने भएको छ । त्यसैगरी अफागानिस्तानमा तालिवान आतङ्ककारीसँगको लडाइँमा सन् २०१० मा एक लाख ३० हजार सैनिक रहेकामा सो सङ्ख्या झरेर १२ हजार ५०० मा आउने भएको छ ।

अर्थात् यसै महिनाको अन्त्यबाट अफगानिस्तानमा रहेका नेटो आबद्ध प्रायः सैनिकले अफगानिस्तान छोड्ने छन् । सन् २०१५ बाट नेटो आबद्ध १२ हजार ५०० सैनिक मात्र अफगानिस्तानमा बाँकी रहने भएका छन् । ती नेटो सैनिकले पनि अफगान सैनिकलाई तालिम, सल्लाह जस्ता कार्यमा मात्र सहयोग गर्ने छ ।

सोही कारण पनि अफगानिस्तानमा सुरक्षाको जिम्मा अफगान सैनिकमा नै आएको छ । तर पछिल्लो समयमा अफगानिस्तानको सरकारले यो कारबाहीका लागि त्यहाँको प्रहरीलाई अघि सार्न थालेको छ । पछिल्लो समयमा तालिवानले पनि अफगानिस्तानका विभिन्न स्थानमा सुरक्षाकर्मी र सरकारी अधिकारीलाई लक्ष्यगरी आक्रमणलाई तीव्र पारेका छन् ।

सम्बन्धित समाचार

बङ्गलादेशमा विपक्षीको आन्दोलन चर्कियो

ढाका, ३० पुस । बङ्गलादेशमा सरकारविरुद्धको आन्दोलन झनै चर्र्र्किएको  छ । आन्दोलनका क्रममा बुधबारमात्र चारजनाको ज्यान गएको बताइएको छ ।…

बम विस्फोटमा छ विद्यार्थी घाइते

अफगानिस्तान, २८ मङ्सिर । अफगानिस्तानको राजधानी काबुलबाट ११५ किलोमिटर पूर्वमा अवस्थित नानर्गाहार प्रान्तको प्रान्तीय राजधानी जलालाबाद सहरमा भएको एक बम…

पहिरो परी बीसको मृत्यु असी भन्दा बढी बेपत्ता

इन्डोनेसिय, २८ मंसिर । इन्डोनेसियाको जाभा द्वीपको मध्य भागमा पर्ने बाङ्जानेगारा जिल्लामा गत शुक्रबार गएको पहिरोमा परी मर्ने व्यक्तिको सङ्ख्या…

आत्मघाती आक्रमणको संयुक्त राष्ट्रद्धारा गहिरो चिन्ता

संयु्क्त राष्ट्रसंघ, २६ मंसिर । अफगानिस्तानको राजधानी काबुलमा बिहीबार भएको दुई वटा आत्मघाती बम आक्रमणको संयुक्त राष्ट्रसंघद्वारा गहिरो चिन्ता व्यक्त…

Comments are closed

भर्खरै view all

चियाबारीमा हो चियाबारीमा

बागलुङमा डुवेर युवतीको मृत्यु, एक महिला कालीगण्डकीमा बेपत्ता

पर्वतमा १८ बर्ष माथिका ३३ प्रतिशतले लगाए कोभिडको पहिलो खोप

कक्षा १२ को परीक्षा अन्योलमा

पारस खड्काले लिए अन्तर्राष्ट्रिय क्रिकेटबाट सन्यास