लगातार ६ वटा गीतमा नाच्न सक्छु -रोमा न्यौपाने


इटहरीको सुनसरीमा जन्मिएकी रोमा न्यौपानेले ८ बर्षको उमेरमा बस दुर्घटनामा परी एउटा खुट्टा गुमाउन पुगिन् । आर्थीक अभाबले उच्च शिक्षा पढ्दै गर्दा पढाईलाई निरन्तरता दिन नसकेकी उनी यतिबेला भने आफ्नो कला देखाएर देश बिदेसका बिभिन्न साँस्कृतिक कार्यक्रममा व्यस्थ छिन् । एउटा खुट्टाकै भरमा उनले गरेको नृत्यले देश बिदेसमा धेरैको मन जितेको छ । एउटै कार्यक्रममा एकै दिनमा ६ वटासम्म गीतमा नाच्न सक्ने रोमासँग अनलाईन चौतारीले गरेको कुराकानीको सम्पादित अंश

तपाईको कलाकारीता कस्तोरुपमा चलिरहेको छ ?

राम्रो चलिरहेको छ । बिभिन्न ठाँउहरुमा भैरहेका कार्यक्रमहरुमा आफ्नो प्रस्तुतिहरु प्रस्तुत गरिरहेको छु । यस बर्षको अपाङ्गता दिवशको अवशरमा पनि मैले धेरै सम्मानहरु पाए । यस बिचमा धेरै दर्शकहरुको पनि मन जितेको छु जस्तो लाग्छ ।

अपाङ्गता दिवशको अवशरमा कहाँ कहाँ के कस्ता कार्यक्रमहरु गर्नुभयो ?

नेपालभर बिभिन्न तरिकाले अपाङ्गता दिवश मनाइयो । तर मैले यस पटकको अपाङ्गता दिवश छुट्टै किसिमले मनाउने सोचका साथ सेन्टर जेलमा बन्धी महिला दिदिबहिनीहरुमाझ एउटा साँस्कृतीक कार्यक्रम गर्न पहल गरेको थिए । बन्दी महिलामा सकारात्मक सोचको बिकास होस् भन्ने सोचले त्याहाँ एउटा राम्रो कार्यक्रम सम्पन्न गर्यौं ।

महिला बन्धीहरुको अबस्था कस्तो रहेछ त ?

हामीलाई बाहिरबाट हेर्दा राम्रै होला जस्तो लाग्छ । तर त्याहाँ भित्र गएर हेर्दा वहाँहरुको अबस्था सोचेभन्दा धेरै फरक छ । वहाँहरुको दुख वहाँहरुलाई नै थाहा छ । हामीले कार्यक्रम गरिन्जेल कतिजना रोएर, कतिजना हाँसेर खुसी व्याक्त गर्नुभयो । हाम्रो कार्यक्रम अवधीभर संपूर्ण दुख कष्ट बिर्सिएर रमाइलोको साथ हाम्रो कार्यक्रममा सहभागी हुनुभयो । नीरु खड्काको कमेडि, मेरो तीन वटा डान्स, कविता, गीत र गजलहरुमा बन्दी महिलाहरुले रमाइलोसँग साथ दिनुभयो ।

एउटै खुट्टाको भरमा तीनवटा गीतमा डान्स गर्दा थकानको महशुस हुँदैन ?

देश बिदेसमा मैले धेरै सोहरु गरेको छु । कोरीयामा एउटै कार्यक्रममा एकै दिनमा ६ वटा गीतमा डान्स गरेको छु । दैनीक ६,७ वटा गीतसम्ममा लगातार नाच्न सक्छु । नाचेकै कारण त्यती धेरै थकानको महशुस गरेको छैन । पहिला पहिला डान्स नसिक्दै एकदमै थकानको महसुस हुन्थ्यो । अहिले मेरो गुरु केशव सापकोटासँग डान्स सिकेपछि थकानको महशुस नै हुँदैन । प्रस्तुती दिदै गर्दा एकदमै इनर्जी आउँछ ।

तपाईले कसरी आफ्नो एउटा खुट्टा गुमाउनुभयो ?

मेरो घर इटहरीको सुनसरी हो । सानोमै विद्यालय जादा गाडिले किचेर देब्रे खुट्टा गुमाए । त्यतिबेला म मात्र ८ बर्षको थिए ।

त्यसपछि पढाईलाई निरन्तरता दिनुभयो ?

त्यतिबेला म एक कक्षामा पढ्थे । दुर्घटना भएपछि ६ बर्षसम्म हस्पिटल बस्नु पर्यो । त्यसपछि घरमा आएपछि बैशाखीको साहरामा हिड्न सिक्न थाले । बैशाखीमा हिड्न नजानेर धेरैपटक लडेको थिए त्यतिबेला । एक बर्षपछि फेरी विद्यालय जान थाले । एसएलसी पास भएपछि काठमाडौंमा आए र त्यपछिको उच्च शिक्षाको लागि पैशा नभएर अध्ययन गर्नै पाइन । शूरुका दिनहरुमा काठमाडौंमा खान र बस्नै धै धै भएकोले पढाईमा मनै जान सकेन ।

तपाईलाई आफूमा नाच्न सक्ने कला छ भन्ने कहिले फिल गर्नुभयो ?

सानोमा पनि म रेडियोमा बजेका गीतहरुमा घर भित्रै नाच्ने गर्थे । सार्वजनीक रुपमा सबैलाई थाहा हुने गरी काठमाडौं आएपछि प्रज्ञा भवनमा पहिलो शो देखाएकी थिए । मेरो प्रस्तुतीलाई मिडियाले पनि राम्रो प्रचार गरिदिनुभयो । दर्शकहरुले पनि मन पराईदिनु भयो । त्यसपछि रोमाले एउटै खुट्टाले पनि नाच्न सक्छे भन्ने सबैलाई थाहा भयो । त्यसपछि बिभिन्न संघ संस्थाहरुबाट बिभिद कार्यक्रममा प्रस्तुतीको लागि आमन्त्रण गर्न थाल्नुभयो ।

त्यतिबेला तपाईले डान्स सिकिसक्नुभएको थियो ?

त्यतिबेलासम्म मैले डान्स सिकेको थिइन । घरमा प्राक्टिश गरेको आधारमा त्यो स्टेज शो गरेको हुँ । त्यो नाच सबैले मन पराइदिए पछि मलाई थप राम्रो गर्न हौसला मिल्यो । त्यतिबेला त्यो नाच नाचेबापत मैले ८ सय रुपैया पाएको थिए । त्यो मेरो जीवनकै पहिलो कमाई थियो । त्यहि हौसलाले आज यहाँसम्म आइपुगेको छु । पैसा नै ठूलो कुरा होइन । एउटा प्रेरणको श्रोत बनेर आज आफ्ना साथीहरुको अगाडि उभिएको छु । यसमा खुसि लाग्छ । त्यसपछि कामलाई अझै प्रभाबकारी बनाउनुपर्छ भनेर डान्स सिक्न थालेको हुँ ।

तपाईजस्तै अन्य अपाङ्गग साथीहरुलाई तपाईको सन्देश के छ ?

हरेक ब्याक्तिमा फरक फरक क्षमता हुन्छ । आफ्नो क्षमता अनुसार हामी अगाडि बढ्नु पर्छ । हामीले अपाङ्गता भएका व्याक्तिहरुको रोजगारीको लागि पहल गर्नुपर्छ । अपाङ्गता दिवशको दिन मात्र होइन, प्रत्येक दिन अपाङ्गता भएकाहरुको हक हितको बिषयमा आवाज उठाउनु पर्छ । अपाङ्ग साथीहरुलाई घरमै बसेर होइन आफूमा भएको क्षमता समाजको अगाडि ल्याउनु भन्न चाहन्छु । अपाङ्ग साथीहरुलाई मागेर खान नपरोस् । कोहिपनि व्याक्ति क्षमता अनुसारको काम गरेर खान खोज्छ भने उसको क्षमताको कदर हुनुपर्छ ।

तपाईलाई आफ्नो कलाको सम्मान भए जस्तो लाग्छ ?

नेपालका दाजुभाई दिदिबहिनीहरुले मेरो कलालाई एकदमै सपोर्ट गरिदिनुभएको छ । आज म आफ्नै कला मार्फत रोमा न्यौपाने भनेर सबैमाझ परिचित छु । यस हिसाबले मेरो कलाको सम्मान भएको महशुस हुन्छ मलाई ।

कार्यक्रमको शिलशिलामा कुन कुन देश पुग्नुभएको छ ?

बिदेशको स्टेजमा इजरायलमा मैले पहिलो प्रस्तुति प्रस्तुत गरेको थिए । इजरायली राजदुतले मलाई त्यो कार्यक्रमको लागि पहल गरिदिनुभएको थियो । कुवेत, कतार, हङ्कङ, दुवई, अष्ट्रेलिया लगायतका नेपालीहरुको बसोबास रहेका धेरै मुलुकहरुमा आफ्नो प्रस्तुती लिएर पुगेको छु ।

तपाईको नाममा संञ्चालीत VAD संस्थाले गैह्रकानुनी काम गरेको आरोप छ नी ? त्यो बास्तबमा के हो ?

यो घटनाप्रती मलाई पनि अचम्म लागेको छ । मैले अहिलेसम्म कसैको पैसा लिएको पनि छैन । यो व्यापारको नाममा मेरो कलाकारिता र अपाङ्गतालाई किन मुछिएको छ ? म आफै छक्क परेको छु । यो संस्था मेरो श्रीमानको हो । नाममात्र मेरो थियो । काम सबै मेरो श्रीमानले गर्ने गर्नुहुन्छ । वहाँहरुको बिजनेसमा के खटपट भयो र यी कुराहरु आईरहेका छन् । सम्बन्धीत ठाँउमा यस सम्बन्धी काम कारबाहिको प्रकृया अगाडि बढेको छ । यो केशमा मेरो कला र अपाङ्गता मुच्ने काम नहोस् भन्ने चाहन्छु । त्यस्तो केहि कुरामा भ्रम छ भने हामी सबै बसेर छलफल गर्न सक्छौं । त्यसैले सम्बन्धीत सबैमा यो बिषयमा छलफल गरेर समाधानको बाटोमा लागौं, हल्लाको पछि नलागौं भन्न चाहन्छु ।

सम्बन्धित समाचार

दर्शकको मन जित्दै ‘डिग्री माइला’

नेपालमा बर्सेनि १७ हजारले स्नातकोत्तरको अध्ययन सिध्याउँछन् तर कतिले त्यसलाई जीवनमा उतार्छन् त ? सायद यो प्रश्न अनुत्तरित होला ।…

सलमानले हेप्ने गरेको सोनाक्षीको दुखेसो

अभिनेता सलमान खानको को -एक्टरको रुपमा चलचित्र दबंगबाट बलिउडमा डेब्यू गरेकी अभिनेत्री सोनाक्षी सिन्हाले सलमानले आफूलाई हेप्ने गरेको गुनासो गरेकी…

‘जज्बा’मा वकिल बन्दै ऐश्वर्या, हुने छैन एक्शन सिन

केहि समय पहिलादेखि बलिउड अभिनेत्री ऐश्वर्या रायको कमब्याक चलचित्र जज्बामा जर्बदस्त एक्शन सिन हुनेछ भन्ने समाचारको निर्देशक संजय गुप्ताले खण्डन गरेका…

यसकारण चल्यो ‘श्री ५ अम्बरे’

हुन त दीपा बस्नेतले निर्देशन गरेको पहिलो चलचित्र अन्तरालले नै धेरैको वाहवाही पाएको थियो । तर बिडम्बना त्यहि सबैले राम्रो भनेको चलचित्र…

Comments are closed

भर्खरै view all

नयाँपुल–घान्द्रुक सडक पहिराले अवरुद्ध, बाटोमै रोकिए पर्यटक

आज पनि देशका अधिकांश क्षेत्रमा वर्षाको सम्भावना‚ यस्तो छ तीन दिनको मौसम पूर्वानुमान

गजल

कालीगंगा सुसाउँदा

मुलुकका विभिन्न भागमा वर्षा-ठाउँठाउँमा बाढीपहिरो, १६ जनाको मृत्यु