अध्यात्म रामायण र भानुभक्तीय रामायणको तुलनात्मक अध्ययन प्रकाशित

नेपाल प्रज्ञा–प्रतिष्ठानले रामचन्द्र पौडेलद्वारा लिखित ‘संस्कृत अध्यात्म रामायण र भानुभक्तीय रामायणको तुलनात्मक अध्ययन’शीर्षक कृति हिन्दी भाषामा प्रकाशन गरेको छ । प्रज्ञा–प्रतिष्ठानको अनुसन्धानात्मक कार्यअन्तर्गतको सो कृति यहाँस्थित भारतीय दूतावासको सहयोगमा प्रकाशन गरिएको सदस्यसचिव प्रा डा जीवेन्द्रदेव गिरीले जानकारी दिए ।

प्रज्ञा–प्रतिष्ठान परिसरमै भारतीय दूतावासको करिब रु पाँच करोडको सहयोगमा निर्माण सम्पन्न हुन लागेको पुस्तकालयको व्यवस्थित सञ्चालनका लागि समिति निर्माण गर्ने र छिट्टै पुस्तकालयसम्बन्धी गोष्ठी गरिने जनाइएको छ ।

यस्तै प्रज्ञा–प्रतिष्ठानको निमन्त्रणामा यही आगामी पुस २ गते चिनियाँ लेखक संस्थाको एक प्रतिनिधिमण्डल पाँच दिनका लागि यहाँ आउने र प्राज्ञ–लेखकसँग भेटघाट र अन्तक्र्रिया गर्ने तथा भक्तपुर, ललितपुर र लुम्बिनी भ्रमण गर्ने कार्यक्रम रहेको जनाइएको छ ।