चीनमा पाँचलाख एड्स सङ्क्रमित

बेइजिङ, १५ मंसिर । चीनमा कम्तीमा पनि पाँच लाख एचआइभी एड्स सङ्क्रमित रहेका बताइएको छ । पछिल्लो तथ्याङ्कमा सो अवस्था देखिएको छ । पहिचान भएका मात्र पाँच लाख एड्स सङ्क्रमित रहेका र त्यसमा अझै दशौं हजार अरु व्यक्तिमा सो सङ्क्रमण रहेको अनुमान गरिएको पनि समाचारमा उल्लेख छ ।

यो पछिल्लो तथ्याङ्क विश्व स्वास्थ्य संगठनको हो । पहिचान हुन बाँकी रहेका अरुपनि सङ्क्रमितका बारेमा भने केही खुल्न सकेको छैन । चीनका लागि विश्व स्वास्थ्य संगठनका प्रतिनिधि बर्नहार्ड स्वार्टल्याण्डले सो तथ्य बाहिर ल्याएका हुन् । चीनको जनसङ्ख्या करिब एक अरब ३६ करोड रहेको छ । चीनमा एड्सका सङ्क्रमितहरुको सङ्ख्या बढ्दै गएकोले नागरिकमा यो सङ्क्रमण रोक्नका लागि विशेष कार्यक्रम अघि सार्नुपर्नेमा उनको जोड छ ।

साथै एड्सको सङ्क्रमण लिएर बाँचिरहेका नागरिकको सुरक्षा र स्वास्थ्यका लागि पनि चीन सरकारले केही काम गर्न आवश्यक रहेको उनको भनाई छ । चीनमा समलिङ्गीका कारण पनि एड्सको वृद्धिदर बढिरहेको बताइएको छ । बर्नहार्डले यस्ता व्यक्ति र यौनकर्मीमा पनि यो सङ्क्रमणको अवस्था हटाउनु आवश्यक रहेको बताए ।

चीनमा यो सङ्क्रमणका विरुद्ध जनचेतना फैलाउनु आवश्यक छ । उनका अनुसार यौनकर्मीहरुमा जनचेतना फैलाउनुका साथै एड्स सङ्क्रमितहरुमाथि हुने गरेका विभेदको अवस्था घटाउनु आवश्यक छ । विश्व एड्स दिवसका दिन पारेर एके पत्रिकामा उनको आलेख छापिएको छ । सो आलेखमा उनले यी तथ्यहरु सार्वजनिक गरेका हुन् ।

चीनको राष्ट्रिय स्वास्थ्य तथा परिवार नियोजन नियोगले आइतबारमात्र चीनमा चार लाख ९७ हजार जना एड्स सङ्क्रमित रहेको तथ्याङ्क सार्वजनिक गरेको थियो । चीनमा स्न १९८५ मा पहिलो पटक एड्सका सङ्क्रमित बिरामी भेटिएका थिए । त्यसयता चीनले यो सङ्क्रमणको दर घटाउनका लागि गर्ने गरेका विभिन्न प्रयत्नका बाबजुद पनि त्यहाँ एड्स विस्फोट रुपमा वृद्धि भइरहेको छ ।

सन् २०१३ को सेप्टेम्बर महिनामा त्यहाँ चार लाख ३४ हजार जना एड्स सङ्क्रमित भेटिएका थिए । यो आँंकडा त्यसपछि बढेको हो । उक्त नियोगले गएको तीन दशकमा चीनमा एचआइभी एड्सको सङ्क्रमणबाटै मृत्युहुने व्यक्तिको सङ्ख्या एक लाख ५४ हजार रहेको छ । बर्सेनि त्यहाँ नयाँ नयाँ एचआइभी सङ्क्रमितहरुको सङ्ख्या थपिँदै छ । चीनमा ठूलो जनसङ्ख्या भएकाले पनि यस्ता सङ्क्रमित बढ्दै गएको पाइन्छ ।

चीनमा विशेषगरी समलिङ्गी पुरुषका कारण पनि यो सङ्क्रमणमा वृद्धि भइरहेको अधिकारीहरुको भनाई छ । गएको आठ महिनायता चीनमा एचआईभी एड्स सङ्क्रमितहरुमा गरिएको एक अध्ययनमा चीनमा बढिरहेका एचाआइभी सङ्क्रमितमध्ये २५ प्रतिशतको वृद्धि यसै कारणले भएको बताइएको छ । त्यसपछिको ठूलो सङ्ख्या महिला यौनकर्मीहरुको रहेको छ । उनीहरुका कारण पनि यो सङ्क्रमणको वृद्धिमा सहयोग पगेको स्वास्थ्य अधिकारीहरुको भनाई छ ।

सम्बन्धित समाचार

बङ्गलादेशमा विपक्षीको आन्दोलन चर्कियो

ढाका, ३० पुस । बङ्गलादेशमा सरकारविरुद्धको आन्दोलन झनै चर्र्र्किएको  छ । आन्दोलनका क्रममा बुधबारमात्र चारजनाको ज्यान गएको बताइएको छ ।…

बम विस्फोटमा छ विद्यार्थी घाइते

अफगानिस्तान, २८ मङ्सिर । अफगानिस्तानको राजधानी काबुलबाट ११५ किलोमिटर पूर्वमा अवस्थित नानर्गाहार प्रान्तको प्रान्तीय राजधानी जलालाबाद सहरमा भएको एक बम…

पहिरो परी बीसको मृत्यु असी भन्दा बढी बेपत्ता

इन्डोनेसिय, २८ मंसिर । इन्डोनेसियाको जाभा द्वीपको मध्य भागमा पर्ने बाङ्जानेगारा जिल्लामा गत शुक्रबार गएको पहिरोमा परी मर्ने व्यक्तिको सङ्ख्या…

आत्मघाती आक्रमणको संयुक्त राष्ट्रद्धारा गहिरो चिन्ता

संयु्क्त राष्ट्रसंघ, २६ मंसिर । अफगानिस्तानको राजधानी काबुलमा बिहीबार भएको दुई वटा आत्मघाती बम आक्रमणको संयुक्त राष्ट्रसंघद्वारा गहिरो चिन्ता व्यक्त…

Comments are closed

भर्खरै view all

पोखरा—बाग्लुङ राजमार्गको याम्दीमा यातायात बन्द गरेर काम गरिने, यी हुन सवारी चलाउने बैकल्पिक रुट

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज