यसरी रत्यौंली नाचे नायीकाहरु (भिडियो सहित)

स्वर्गिय निर्देशक आलोक नेम्वाङद्वारा निर्देशित अन्तिम चलचित्र ‘अझै पनि’ को रत्यौली गीत सार्वजनिक गरिएको छ । बिहेको महिना मंसिरलाई मध्यनजर गर्दै ‘चमक चमक’ बोलको रत्यौंली गीत सार्वजनिक गरिएको अभिनेता समेत रहेका निर्माता सुदर्शन थापाले बताए । ।

गीतमा अभिनेता सुदर्शन थापा र पूजा शर्माको बिहे भइरहेको देखाइएको छ । उनीहरुको बिहेमा सुरक्षा पन्त, प्रमिला खनाल, बिपना धिमाल, मिथिला शर्मा लगायतका कलाकारले नाचेँका छन् । राजनराज सिवाकोटीको शब्द तथा संगीत रहेको यस गीतमा मनिष पोखरेल र रीता बुढाथोकीको स्वर रहेको छ ।

पूनम गौतम र सुदर्शन थापाले निर्माण गरेको यो चलचित्र फागुन १५ गते रिलिज हुँदैछ । रामशरण पाठकको लेखन रहेको यो चलचित्र पारिवारिक प्रेमकथामा आधारित रहेको निर्माण पक्षले जानकारी दिएको छ ।