नेपालमय बन्यो फेडेरसन स्क्वायर

मेलबर्न । अष्ट्रेलियाको मेलबर्नस्थित फेडेरसन स्क्वायर नेपालमय बनेको छ । फेडेरेसन स्वायरमा नेपाली झण्डा फहराएका छन् भने जताततै नेपालीहरु देखिएका छन् । यति मात्र होइन, यहाँ नेपालका विभिन्न सांस्कृतिक झाँकीहरुको प्रस्तुतीका कारण एउटा नेपाल नै बनेजस्तो भएको छ, फेडेरेसन स्वायर ।
नेपालीहरुको बाक्लो उपस्थितिका कारण अष्ट्रेलियन तथा अन्य देशका नागरिकहरु यस ठाउँमा पर्यटक जस्ता देखिएका छन् ।
नेपालीहरुको यो जमघट हुनुको कारण भने नेपाल महोत्सव रहेको छ । गैर आवासीय नेपाली संघ अष्ट्रेलिया, अष्ट्रेलियास्थित नेपाली दुतावास र नेप्लीज एशोसियसन अफ भिक्टोरियाको संयुक्त आयोजनामा जारी महोत्सवको रौनकका कारण मेलवर्नको फेडेरेसन स्वायर नेपालमय भएको छ ।
फेडेरेसन स्वायरमा नेपाली झण्डाहरु फहराएका छन् । नेपाली नाचगान, नेपाली पञ्चेबाजा सहित विभिन्न कला र संस्कृति देखाउँदै सडकमा सांस्कृतिक परेड गरिएको छ । नेपाल महोत्सवमा भाग लिन धेरै टाढाबाट समेत पुगेकाहरुको उल्लेख्य सहभागिता रहेको छ ।
शुरुवातमा निकालिएको साँस्कृतिक परेडमा लाखे नाँच, विभिन्न जातजाती आ आफ्ना परम्परागत भेषभुषामा सजिएर, परम्परागत नृत्य देखाइएको छ ।

नेपाल फेष्टिबलका लागि निकालिएको सांस्कृतिक परेड ।

मेलवर्नको स्टेट लाइब्रेरी अफ भिक्टोरियामा भेला भई साँस्कृतिक परेडका साथ फेडेरेशन स्क्वाएर पुगी औपचारिक कार्यक्रम भएको छ । नेपाल फेस्टीभलमा सहभागीले नेपाली चर्चित कलाकारहरु मिलन लामा, सबिन राई एण्ड द इलेक्ट्रिक्स, दिव्या सुब्बा लगायतले स्टेजमा साँगीतिक प्रस्तुतीमा रम्नेछन ।
नेपालका विभिन्न चाडपर्व झल्काउने र त्यसबारे जानकारी दिने खालको विशेष नेपाली नृत्य समेत तयार पारिएको आयोजकले बताएको छ । भिक्टोरियामा रहेका केहि युवा कोरियाग्राफरहरुले ल्याएको विशेष नेपाली नृत्य साँझ ६ बजे देखि शुरु हुनेछ ।
साथमा नेपालका मिठा र मनै लोभ्याउने पारम्परिक खानाहरु सेलरोटी, समयबजी, म म लगायत अन्य नेपाली स्वादिष्ठ खानाहरुको स्टल रहनेछन ।
नेपाल फेष्टिवलमार्फत अष्ट्रेलियामा रहेका नेपाली दाजुभाई दिदिबहिनीहरुमा आपसी माया, सद्भाव, साथ र सहयोगको भावना बढाउने आयोजकको विश्वास छ । यस्तै सबैको मन मनमा हामी नेपाली एक नेपाल नै हाम्रो घर भन्ने भावना जागृत गर्दै देशप्रेम र देश विकासको लागि अग्रसर हुन जागरण ल्याउने उदेश्य आयोजकले लिएको छ ।
गैरआवासीय नेपाली संघ अष्ट्रेलियाले कार्यक्रममा सहभागी भएर नेपाल र नेपाली कला, संस्कृति, पर्यटन र व्यापार व्यवसाय प्रर्बद्धनमा एकजुट हुन सबै मेलवर्नवासी नेपालीमा अपिल गरेको थियो ।
कार्यक्रम मनोरञ्जनको थलो मात्रै नभएर नेपालमा पर्यटन प्रवर्दन र लगानीको वातावरणका लागि पनि कोशेढुङ्गा सावित भएको छ ।
शनिबार सुरु भएको नेपाल फेष्टिबलमा शनिबार नेपालमा पर्यटन प्रवर्दन र लगानीका विषयमा गहन छलफल भएको थियो । बेग्लाबेग्लै कार्यशालामा नेपालबाट पुगेका विभिन्न क्षेत्रका व्यक्तित्वहरुका साथै अष्ट्रेलियाका लगानीकर्ता र गैर आवासीय नेपालीहरुको उपस्थिति रहेको थियो ।
कार्यक्रमलाई सफल बनाउन एइसीसी, मेलवर्न इन्स्टिच्युट अफ टेक्नोलोजी, आरजीआइटी अष्ट्रेलिया, फेड स्क्वाएर, टिडब्लयुजीजी,एक्पर्ट एजुकेशन एण्ड भिसा सर्भिसेज, बुद्ध ट्राभल एण्ड टुर, मेरो कन्सल्ट्यान्सी, डाउनअन्डर करी, एक माइग्रेशन एजुकेशन, कँडेल कन्सल्ट्यान्सी, एएमई, नीरांकार रेष्टुरेण्ट लगायत संघ संस्थाको साथ रहेको छ ।

सम्बन्धित समाचार

सिड्नीमा तामाङ ल्होछारको भव्य तयारी

सिड्नी । सिड्नीमा तामाङ ल्होछार साँझको भव्य तयारी भैरहेको छ । तामाङ सोसाइटी अफ एनएसडब्लु को आयोजनामा आगामी जनवरी २४…

छानिए ११ जना उत्कृष्ट कविहरु

सिड्नी । लुम्बिनी–कपिलवस्तु दिवस विश्व अभियानको छैटौं बार्षिकउत्सवको अवसरमा गरिएको साहित्यीक महोत्सवबाट ११ जना उत्कृष्ट कविहरु छानिएका छन् । अभियानको…

व्रिसवेनमा दशककै शक्तिशाली आँधी, ५० हजार घर अन्धकार

व्रिसवेन । क्वीन्सल्याण्डको दक्षिण पश्चिमी क्षेत्र व्रिसवेनमा आएको दशककै ठूलो आँधीका कारण जनजीवन अस्तव्यस्त भएको छ । १ सय ४०…

शिशुलाई ढलमा फाल्ने आमा नियन्त्रणमा

सिड्नी । आफ्नो नवजात शिशुलाई वेवारिसे अवस्थामा ढलमा फालेपछि सिड्नी प्रहरीले एक आमालाई पक्राउ गरेको छ । प्रहरीले पक्राउ गरिएकी…

Comments are closed

भर्खरै view all

चियाबारीमा हो चियाबारीमा

बागलुङमा डुवेर युवतीको मृत्यु, एक महिला कालीगण्डकीमा बेपत्ता

पर्वतमा १८ बर्ष माथिका ३३ प्रतिशतले लगाए कोभिडको पहिलो खोप

कक्षा १२ को परीक्षा अन्योलमा

पारस खड्काले लिए अन्तर्राष्ट्रिय क्रिकेटबाट सन्यास