एक खुट्टे नाचका लागि रोमा सिड्नीमा

सिड्नी । आफ्नो एक मात्र खुट्टाले बेजोड नृत्य गर्न सिपालु रोमा न्यौपाने सिड्नीमा पुगेकी छिन् । एक खुट्टाले अपत्यारिलो नाच नाच्न सिपालु रोमाले अष्ट्रेलियाको सिड्नीमा रहेका नेपालीहरुमाझा आफ्नो कला प्रस्तुत गर्ने भएकी छिन् । दृढ ईच्छा शक्ति, संकल्प, आँट र अठोट भएकी रोमाको नृत्य हेर्न त्यहाँ रहेका नेपालीहरु उत्सुक बनेका छन् ।
आफ्नो नृत्य मार्फत धेरैको मन जितेकी रोमाले आइतबार अर्थात् अगस्त ३१ तारिखमा आफ्नो नृत्य प्रस्तुत गर्नेछिन् । कार्यक्रम पोलिश कल्ब एसफिल्डमा साँझ ५:३० बजे हुने बताइएको छ ।
कार्यक्रममा उनले आफ्नो सम्मानमा त्यहाँ उपस्थित हुने नेपालीहरुसँग भेटघाट गर्दै आफ्ना जिन्दगिका उतार चढाब पनि प्रस्तुत गर्नेछिन् ।
तीजको समयमा अष्ट्रेलियाको सिड्नी पुगेकी नेपाली चेली रमाको कला हेर्न त्यहाँ रहेका नेपालीहरु उत्सुक रहेको बताइएको छ ।
यस्तै, बहु प्रतिक्षित बाग्लुंग अस्ट्रेलियन कम्युनिटिको आयोजना सञ्चालन भैरहेको भलिबल प्रतियोगिताको फाइनल खेल पनि सोही दिन राखिएको छ ।