अष्ट्रेलियामा पनि ठूलीलाई सफलता
August 24, 2014 | 3:09 pm
यहि शुक्रबारबाट अलनेपाल प्रदर्शनमा आएको नेपाली कथानाक चलचित्र ठूली अष्ट्रेलियामा भब्य प्रदर्शन भएको छ । सिड्नीको हर्सभिल स्थीत सिभिक थिएटरमा आइतबार साँझ प्रदर्शन भएको यो चलचित्र हेर्न सिड्नीमा भएका नेपालीहरुको भब्य उपस्थीति थियो । सिड्नीमा दर्शकको राम्रो साथ पाएको यो चलचित्रले नेपालमा पनि राम्रो कलेक्शन गरिरहेको छ । चलचित्रले शनिबार काठमाडौंका अधिकाँश हलहरुमा शतप्रतिशत अकुपेन्ची कायम गरेको थियो । अष्ट्रेलियामा प्रदर्शनको जिम्मा लिएको डायनामिक मिडियाले अष्ट्रेलियाका अन्य शहरशरुमा पनि प्रदर्शनी गर्ने बताएको छ ।
पुष्कर पन्तले निर्माण गरेको यो चलचित्रमा गरिमा पन्त, जिवन लुईटेलको मुख्य भूमिका रहेको छ । एभरेष्ट सूर्य बोहोरा चलचित्रका निर्देशक हुन् । नारी संम्बेदनामा आधारित यो चलचित्रका गीतहरु प्रदर्शन अगाबै चर्चित भएका थिए ।
