अष्ट्रेलियामा टेरिया मगरको भव्य प्रतीक्षा

सिड्नी । आगामी अगस्त तीन तारीखमा सिड्नीको मराना अडिटोरियम भव्य रुपमा व्यस्त हुँदैछ । त्यो दिन नेपालका ख्यातीप्राप्त कलाकार सिड्नीबासीसँग आफ्नो कला प्रस्तुत गर्न आइपुग्दैछन् । हास्यव्यङ्ग विधाका जितु नेपाल ‘मुन्द्रे’ र नेपाली लोक गायक रामजी खाँडले त्यहाँ हँसाउने र नचाउने मात्रै छैनन्, भारतमा समेत ख्यातीप्राप्त नेपालकी ११ वर्षकी बाल कलाकार टेरिया मगरले आफ्नो विलक्षण बाल प्रतीभा त्यहाँ प्रस्तुत गर्नेछिन् ।
तेरिया मगर नेपालको रुपन्देही जिल्लाको निम्न वर्गकी बालिका हुन् । उनी यो वर्षको डान्स इन्डिया डान्स मास्टर्स उपाधी विजेता नेपाली बालिका हुन् । भारतको प्रख्यात जिटिभीद्वारा आयोजित उक्त कार्यक्रममा भाग लिएकी टेरिया मगरले भारतका हजारौं बालबालिकालाई आफ्नो नृत्यद्वारा जितेकी थिइन् ।
उनलाई विजयी बनाउन विश्वभरी छरिएका नेपाली भाषीहरुले अनलाईनबाट मतदान गरेका थिए । उनलाई विजयी बनाउन विश्वभरी नै अनलाईन अभियान चलेको थियो । अनलाईन चौतारीसँग कुरा गर्दै टेरियाले भनिन् – ‘म विश्वभरी रहेका नेपाली दाजुभाई दिदी बहिनीहरु बीच पुग्नुपर्छ । त्यसै अनुसार आगामी अगस्त तीनमा सिड्नी जाँदैछु ।’
अष्ट्रेलियामा उक्त कार्यक्रमको आयोजक संस्था कनेक्ट नेपालका अध्यक्ष प्रवीन कँडेलका अनुसार टेरियाको भ्रमणको सम्पूर्ण तयारी पुरा भएको छ । टेरिया मगरलाई अष्ट्रेलियामा लुम्बिनी कपिलवस्तु अभियान अष्ट्रेलिया नेपाल पब्लीक लिङ्क, एनआरएन लगायत संस्थाहरुले सम्मान गर्ने कार्यक्रम पनि राखिएको छ ।
अष्ट्रेलिया भ्रमणका लागि जिटिभी इन्डियाले टेरियालाई अनुमति दिएको छ । जिटीभी व्यवस्थापनले अनलाईन चौतारीलाई भन्यो– ‘टेरिया मगरको सम्मान तथा उनको प्रस्तुती हुने कार्यक्रममा हामी आफै र टेरियाकी आमा अनिता पनि सँगै जाँदैछौं ।’ जिटीभी व्यवस्थापनले  टेरिया मगरलाई अष्ट्रेलिया भ्रमणका लागि तयारी गर्ने सिड्नीस्थित नेपाली समुदायलाई धन्यवाद पनि  दिएको छ ।
टेरिया मगरकी आमा अनिता फौजामगरले पनि आफुले अगस्त ३ मा सिड्नीमा हुने ‘टेरिया साँझ’ कार्यक्रमको निम्तो मान्न जान लागेको बताईन् ।

सम्बन्धित समाचार

सिड्नीमा तामाङ ल्होछारको भव्य तयारी

सिड्नी । सिड्नीमा तामाङ ल्होछार साँझको भव्य तयारी भैरहेको छ । तामाङ सोसाइटी अफ एनएसडब्लु को आयोजनामा आगामी जनवरी २४…

छानिए ११ जना उत्कृष्ट कविहरु

सिड्नी । लुम्बिनी–कपिलवस्तु दिवस विश्व अभियानको छैटौं बार्षिकउत्सवको अवसरमा गरिएको साहित्यीक महोत्सवबाट ११ जना उत्कृष्ट कविहरु छानिएका छन् । अभियानको…

व्रिसवेनमा दशककै शक्तिशाली आँधी, ५० हजार घर अन्धकार

व्रिसवेन । क्वीन्सल्याण्डको दक्षिण पश्चिमी क्षेत्र व्रिसवेनमा आएको दशककै ठूलो आँधीका कारण जनजीवन अस्तव्यस्त भएको छ । १ सय ४०…

शिशुलाई ढलमा फाल्ने आमा नियन्त्रणमा

सिड्नी । आफ्नो नवजात शिशुलाई वेवारिसे अवस्थामा ढलमा फालेपछि सिड्नी प्रहरीले एक आमालाई पक्राउ गरेको छ । प्रहरीले पक्राउ गरिएकी…

Comments are closed

भर्खरै view all

नयाँपुल–घान्द्रुक सडक पहिराले अवरुद्ध, बाटोमै रोकिए पर्यटक

आज पनि देशका अधिकांश क्षेत्रमा वर्षाको सम्भावना‚ यस्तो छ तीन दिनको मौसम पूर्वानुमान

गजल

कालीगंगा सुसाउँदा

मुलुकका विभिन्न भागमा वर्षा-ठाउँठाउँमा बाढीपहिरो, १६ जनाको मृत्यु