‘मुनामदन’ सबैभन्दा बढी मन पराउने कृति

 

जनकपुरधाम, ९ पुस ।

जनकपुर क्षेत्रमा नेपाली भाषाका स्रष्टा महाकवि लक्ष्मीप्रसाद देवकोटाको ‘मुनामदन’ कृतिलाई अहिले पनि सबैभन्दा बढी मन पराउने गरिएको छ । सो कृतिपछि विश्वेश्वरप्रसाद कोइरालाको ‘नरेन्द्र दाइ’, पारिजातको ‘शिरीषको फूल’ र लीलबहादुर क्षत्रीको ‘बसाइँ’ उपन्यास बढी पढिने कृतिभित्र पर्दछ । साझा प्रकाशन क्षेत्रीय कार्यालय जनकपुरका प्रमुख राजकिशोर यादवका अनुसार नेपाली भाषाका स्रष्टाका कृतिमा पाठकको पहिलो माग मुनामदन नै हुने गरेको छ ।

सो पुस्तक गत वर्ष करिब एक हजारप्रति कार्यालयबाट बिक्री भएको समेत उहाँले जानकारी दिनुभयो । त्यस्तै माधव घिमिरेको ‘गौरी’, सिद्धिचरण श्रेष्ठको ‘आँसु’, लेखनाथ पौड्यालको ‘ऋतु विचार’ र भूपि शेरचनको ‘घुम्ने मेचमाथि अन्धो मान्छे’ कृति पनि खोजी खोजी पढ्ने गरेको पाइएको छ । बालकृष्ण समको ‘चिसो चुल्हो’, क्षेत्रप्रताप अधिकारीको ‘नफुलेको फूल’ कृतिको माग पनि सन्तोषजनक रहेको छ । विश्वेश्वरप्रसाद कोइरालाको कृतिमध्ये ‘दोषी चस्मा’, ‘श्वेत भैरवी’, ‘मोदिआइन’ । ‘तीनघुम्ती’ कृति पठन संस्कृतिमा महत्वपूर्ण भूमिका निर्वाह गरिरहेको छ । होमनाथ सुवेदीको ‘यमपुरीको महल’, शंकर कोइरालाको ‘खैरिनी घाट’, गौरा प्रसाईंको ‘मेरा जीवनका पानाहरू’ र स्वामी प्रपन्नाचार्यको ‘वेदमा के छ’ पुस्तक पनि पाठकको अधिक मागभित्र रहेको पाइएको छ ।

सम्बन्धित समाचार

Comments are closed

भर्खरै view all

पर्वतका कुल आचार्यद्वारा गृह जिल्लावाटै एनआरएनएको अध्यक्ष पदमा उमेदवारी घोषणा

दोहोरी गीत प्रतिष्ठान पर्वतको सम्मान तथा साधारण सभा सम्पन्न

म्याग्दीका गाउँगाउँमा ‘सेतो पुतली झुस’: आँखाको ज्योति गुमाउँदै स्थानीय, कसरी हुन्छ सङ्क्रमण ?

अनेरास्ववियू क्रान्तिकारी पर्वतको अध्यक्षमा साजन परियार

मेक्सिको जान लागेका १८ नेपाली जर्मनीको विमानस्थलमा समातिए