अष्ट्रेलियामा गुल्मीवासी जुटे


अध्ययन र रोजगारीको सिलशिलामा विश्वको विभिन्न मुलुकमा पुगेका नेपालीहरुले आफ्नो भाषा, संस्कृति , रहन सहन र आफु जन्मेको ठाउँ भुलेका छैनन् । आफ्नो देशबाट निकै टाढा समुन्द्रपार बसोबास गर्ने नेपालीहरुले आफु बसेको देशमा पुगेका जिल्लावासीहरुलाई संगठित गर्न थालेका छन् । संगठित भएर आफ्नो मातृभुमिको विकासमा योगदान गर्ने सोचाई अनुसार विदेशमा विभिन्न समाज र संगठनहरु प्नि निर्माण भएका छन् ।

अष्ट्रेलियाको सिड्नीमा नेपालको गुल्मीजिल्लाबासीहरुको भेला हुँदैछ भन्ने खबर फेसबुकबाट थाहा पाएर कार्यक्रम स्थल पुगेका चक्रपाणी तिवारी आईतवार दिउसो सिड्नीको दक्षिण क्यान्ड्रिक पार्क टेम्पेमा निकै खुसी देखिन्थे । काठमाण्डौमा नेपालको गुल्मीजिल्लाको निकै बर्चस्व छ । तर काठमाण्डौमै गुल्मीवासीको पिकनिक आयोजना गर्दा जती संख्यामा जिल्लावासी उपस्थित हुन्थे त्यो भन्दा बढी सिड्नीमा उपस्थित थिए । उक्त भेलामा गुल्मीबाट नेपालको नवलपरासी , रुपन्देही र चितवन बसाई सरेका र त्यहाँबाट अष्ट्रेलिया पुगेकाहरुको पनि बाक्लो उपस्थिति थियो ।
यो भेलामा रमाईलो पक्ष यो पनि थियो कि यहाँ तीनै पुस्ताको सहभागिता थियो । हजुरबुबा –हजुरआमा, बा–आमा र नाति – नातिना सहितको उपस्थिति भएको भेला निकै रमाईलो थियो । करिब दुईसय जनाको उपस्थिति रहेको भेलाले सिड्नीमा स्थापित व्यवसायी भिम खरेलको अध्यक्षतमा गुल्मेली समाज अस्ट्रेलिया गठन गरेको छ । डिसेम्बर १५ आईतवारका दिन भएको यो भेलाले उपाध्यक्ष पद भिक्टोरिया राज्यका लागि छुट््याएर पछि पुर्तिगर्ने बताईएको छ । अष्ट्रेलियामा सिड्नी सहित मेलवर्न , ब्रिस्वेन , एडिलाईट , क्यानवेरा लगायतका शहरमा पनि करिव १५ सय गुल्मीवासीको वसोवास रहेको छ । आईतवारको भेलामा भने क्यानवेराबाट पनि उपस्थिति थियो ।
१३ सदस्यि उक्त कार्यसमितिको सचिवमा श्याम केसी, सह सचिवमा सुभाष ज्ञवाली र कोषाध्यक्षमा भिष्म भण्डारी रहेका छन् । यस्तै समाजको सांस्कृतिक सचिव माया थापा र सदस्यहरुमा चतुर्भुज खरेल, बिज्ञान कार्र्की, सुभाष गौतम, कृष्ण सापकोटा, कमला बस्नेत जीसी, विष्णु भुषाल र मन्जु पौडेल रहेका छन् । यो भेलामा गैर आवसिय नेपाली संघका प्रवक्ता मन केसीले पदाधिकारीहरुको नाम घोषणा गर्दै सम्पुर्ण पदाधिकारीहरुको कार्यकाल सफलताको लागि शुभकामना दिएका थिए ।
उक्त भेलामा उपस्थित जिल्लावासीहरुलाई सम्बोधन गर्दै अध्यक्ष भिम खरेलले आफ्नो जन्म थलो, अध्ययन गरेको विद्यालय र गाउं बेसीको विकासमा समाज सक्रिय हुने विचार राखेका थिए । एन आर एन अष्ट्रेलियाका पुर्व उपाध्यक्ष पे्रम सापकोटाले पदाधिकारीहरुलाई बधाई तथा शुभकामना दिएका थिए । नबगठित कार्यसमिति सदस्य मञ्जु पौडेलले गित गाउँदा भेला झनै रमाईलो भएको थियो ।

 

 

 

 

 

सम्बन्धित समाचार

Comments are closed

भर्खरै view all

पर्वतका कुल आचार्यद्वारा गृह जिल्लावाटै एनआरएनएको अध्यक्ष पदमा उमेदवारी घोषणा

दोहोरी गीत प्रतिष्ठान पर्वतको सम्मान तथा साधारण सभा सम्पन्न

म्याग्दीका गाउँगाउँमा ‘सेतो पुतली झुस’: आँखाको ज्योति गुमाउँदै स्थानीय, कसरी हुन्छ सङ्क्रमण ?

अनेरास्ववियू क्रान्तिकारी पर्वतको अध्यक्षमा साजन परियार

मेक्सिको जान लागेका १८ नेपाली जर्मनीको विमानस्थलमा समातिए