‘वितेका पल’को गीत सार्वजनिक
November 3, 2013 | 6:30 pm
आगामी पौष २६ गते रिलिज हुन लाएको फिल्म ‘वितेका पल’को गीत सार्वजनिक गरिएको छ । अभिनेत्री केकी अधिकारीसँग नव अभिनेता अबिनाश गुरूङले यस गीतमा अभिनय गरेका छन् ।
डम्बर नेपालीको शब्द तथा संगीतमा बाबु बोगटी र प्रकृती गिरीले स्वर दिएको यस गीतलाई भारतको दार्जीलिङमा छायाँकन गरिएको हो । गीतको करियोग्राफी शंकर बिसीको रहेको छ । सुरज सुब्बा ‘नाल्बो’को लेखन तथा निर्देशन रहेको यस फिल्मलाई राजेश घतानी र क्रिष रिजालले निर्माण गरेका हुन् ।
अधिकांश सुटिङ दार्जीलिङमा नै गरिएको यस फिल्ममा केकी र अबिनाशको साथमा बाबु बोगटी, आकाश खवास लगायतको अभिनय रहेको छ ।
