साहरुख खान भारतकै धनी व्यक्तिको सूचीमा
October 29, 2013 | 11:40 am
बलिउड बादशाह साहरुख खानको नाम भारतकै सर्वाधिक धनी व्यक्तिको सूचीमा समावेश छ । हालै मात्र साहरुखलाई भारतकै धनी व्यक्तिको सूचीको १ सय १४ नम्बरमा समावेश गरिएको छ । साहरुख खानको प्रोडक्शन हाउस रेड चिल्लीलाई यो नम्बरमा सूचीकृत गरिएको हो । साहरुखसँग चार सय मिलियन अमेरिकी डलर सम्पत्ती रहेको छ । साहरुख रेड चिल्लीसँगै आइपीएल अन्र्तगत कोलकत्ता नाइट राइडर्सको मालिक, एक फूटबल टिमको मालिक पनि हुन् । साथै उनले विभिन्न विश्वमा प्रख्यात ब्रान्डहरुको एम्ब्यासडरको रुपमा पनि काम गर्दै आएका छन् ।
साहरुख खानले निर्माण गरेको चलचित्र ‘चेन्नई एक्सप्रेस’ले हालै मात्र भारतमा २ सय २५ करोड माथिको व्यापार गरेको थियो । भारतकै धनी व्यक्तिहरुको सूचिमा पर्ने साहरुख बलिउडका एक मात्र कलाकार हुन् ।
