एन आर एन जापानको अध्यक्षमा पारसमणि पोखरेल भारी मतले निर्वाचित

सन्देश पोखरेल , जापान- भाद्र २१ –

गैरआवासीय नेपाली संघ (एनआरएन) जापानको छैटौं अधिवेशनले पारसमणि पोखरेललाई अध्यक्ष पदमा निर्वाचित गरेको छ । पोख्रेल चिरञ्जीवी थापालाई भारी मतले पराजित गर्दै निर्वाचित भएका हुन । निर्वाचनमा प्रतिद्धन्दी थापाको १ सय २६ मतको विरुद्ध पोख्रेलले ३ सय ३४ मत प्राप्त गरेका थिए । सधै राजधानी टोक्योमा रहेका एनआरएनले नेतृत्व गर्ने गरेकोमा यस पटक पोख्रेलले सो परम्परालाई तोड्दै बाहिर नेतृत्व लगेका छन ।

सन २००४ मा रोटरी फाउन्डेसन अन्तर्गतको छात्रवृति रोटरी अम्बासोडोरियल प्राप्त गरि टोक्योमा स्थित इन्टरनेसनल क्रिश्चियन यूनिर्भसिटीमा अध्ययनको शिलशिलामा जापान आएका पोखरेल हाल जापानको नागोयामा ब्यबसाय गरेर बसेका छन् । एन आर एन को स्थापना काल देखिनै यो अभियानमा लागेका पोखरेल एन आर एन जापान तोकाई होकुरिकु क्षेत्रीय समितिका सस्थापक संयोजक हुदै केन्द्रीय सल्लाहकार समेत रहिसकेका छन् ।

यसको अलावा रोटरी इन्टरनेसनलमा सक्रीय रहेका पारस १ जुलाई २०१३ बाट नागोया मिराइ रोटरी क्लब जापानबाट फेलोसिप कमिटिका चेयरम्यान समेत भएका थिए । अधिवेशनले उपाध्यक्षमा सुदन थापा , तुलसीराम खरेल र नरबहादुर थापा महासचिबमा हिरोसिमाका मुक्तिराम खनाल बिनोद निर्वाचित भएका छन् भने सचिबमा निगाता बाट उदयराज कंडेल ,कोषाध्यक्षमा टोक्योका तेज प्रसाद अर्याल निर्वाचित भएका छन् । कार्यसमिति सदस्यमा– दिपकबाबु नेपाल , दिपक थापा ,शिवलाल गिरी ,दीपक केसी र अर्जुन अधिकारी निर्वाचित भएका छन् ।