शाहरुख खानसँग नेपाली महिला फुटबल टोलीको भलाकुसारी
September 18, 2012 | 8:19 am
२ असोज, काठमाण्डौ । साफ च्याम्पियनसीप फुटबलमा दोश्रो स्थान प्राप्त गर्न सफल नेपाली महिला फुटबल टोलीले बलिउड अभिनेता शाहरुख खानसँग भेटघाट गरेको छ ।
श्रीलंकाको कोलम्बोबाट नयाँ दिल्ली हुँदै नेपाल फर्किने क्रममा दिल्लीको इन्दिरा गान्धी विमानस्थलमा महिला टोली र शाहरुख बीच भेट भएको हो । विमानस्थलमा ट्रान्जिटमा रहेको नेपाली टोलीले संयोगवस शाहरुखसँग भेट गर्न सफल भयो । त्यस क्रममा शाहरुखले नेपाली महिला टोलीलाई शुभकामना दिए ।
शाहरुखलाई विमानस्थलमा देख्ने वित्तिकै नेपाली महिला खेलाडिहरु चिच्याउन थाले । त्यसपछि शाहरुख एक छिन रोकिएर महिला खेलाडीसँग भेट गरी केही तस्वीर समेत खिचे । नेपाली महिला फुटबल खेलाडिहरुले शाहरुख सँग भेट गर्न पाउँदा खुसी लागेको बताए ।
